Dy kandidatët kryesorë për Bashkinë e Tiranës, socialisti Erion Veliaj dhe demokrati Halim Kosova shtrënguan duart mes tyre, edhe pse në takime të shumta elektorale me qytetarët e Tiranës, kanë ironizuar njëri-tjetrin.
Përshëndetja dhe shtrëngimi i duarve ndodhi gjatë një forumi të organizuar në kryeqytet me temë, “Sfida dhe mundësi në Tiranë”, ku kandidatët për Tiranën, edhe ata të pavarur shpalosën platformat e tyre.
Kandidati demokrat për kryebashkiak Halim Kosova, tha në fjalën se drejtimi i kryeqytetit kërkon menaxher, duke nënvizuar se aftësitë menaxheriale ai i ka treguar.
Kandidati demokrat për Bashkinë e Tiranës, Halim Kosova thotë se kryefjala e problemeve në kryeqytet është punësimi.
“Çdo pushtet lokal ose i përgjithshëm duhet të kryejë detyrat e veta. Unë zotohem se do jem në krah të bizneseve si rruga e vetme për rritjen ekonomike dhe një punësim të sigurt”, u
Duke marrë fjalën, kandidati socialist Erion Veliaj premtoi më shumë investime në kryeqytet, duke thënë se bashkia si përpunuesi numër dy pas qeverisë dhe se ka potencial shumë të madh për investime publike.
Veliaj tha se është i përkushtuar për të qenë shtatë ditë të javës në krye të detyrë./tesheshi.com/
