Mali i Zi, pas ftesës për hyrjen në NATO, nuk është frikësuar nga presionet e Moskës që më shumë se njëherë ka kërcënuar qeverinë e Podgoricës, madje ka ndikuar edhe për të rrëzuar qeverinë me protesta të dhunshme.
Siç bën të ditur gazeta serbe Kurir, qeveria e Malit të Zi ka miratuar paketën e sanksioneve ndaj Rusisë, e cila u vu në zbatim nga BE-ja dhe SHBA-ja pas sulmeve të Moskës ndaj Ukrainës.
Këto sanksione kanë shumë në rëndësi në Mal të Zi pasi atje operojnë një numër i madh biznesesh ruse, të cilët sipas burimeve të BE-së financojnë grupet separatite në Ukrainë.
Me një vendim qeverie, Gjukanoviçi ka vendosur bllokimin e fondeve që lëvizin nga Mali i Zi, më pas në Rusi e në Ukrainë.
Në një projektvendim të përkaditur nga qeveria malazeze theksohet se:
“Ky vendim vendos masa kufizuese ndërkombëtare në lidhje me veprimet që dëmtojnë apo kërcënojnë integritetin territorial, sovranitetin dhe pavarësinë e Ukrainës, siç është përcaktuar nga vendimet e Këshillit të Bashkimit Europian, me të cilat u bashkua dhe Mali i Zi, në përputhje me prioritetetet e politikës së jashtme të harmonizimit me Bashkimin Europian në fushën e Politikës së Jashtme të Përbashkët dhe atë të Sigurisë.”
Sipas këtij dokumenti, janë kufizuar hyrja në Mal të Zi të personave që janë përgjegjës për mbështetjen ose kryerjen e aktiviteteve apo politikave që minojnë, kërcënojnë integritetin territorial, sovranitetin dhe pavarësinë, apo stabilitetin e sigurinë në Ukrainë, ose që ndërhyjnë me punën e organizatave ndërkombëtare në Ukrainë.
“Ndalohet hyrja në vendon tonë për personat që në mënyrë aktive sigurojnë materiale apo mbështetje financiare për vendimmarrësIt rusë, të cilët janë përgjegjës për, siç thuhet, aneksimin e Krimesë apo destabilizimin e Ukrainës lindore, por edhe ata që menaxhojnë transaksione me grupet separatiste në rajonin e Ukrainës, Donbass. Përveç kësaj, do të sekuestrohen burimet dhe pasuritë që janë në pronësi, në posedim ose nën kontroll të kufizuar në Ukrainë, si dhe personat fizik ose juridik ose subjektet dhe organet që lidhen me to e tjera”.
Javët e shkuara ka pasur një sulm frontal të eksponentëve të Moskës ndaj qeverisë së Malit të Zi. Pas ftesës për anëtarësimin në NATO, Ministria e Jashtme ruse bëri të ditur se mazhoranca e popullit të Malit të Zi nuk e përkrah anëtarësimin në Aleancën e Atlantikut të Veriut. /tesheshi.com/
