Vazhdon kundërmësymja e PS-së, si për të kundërpeshuar pozitën e saj të vështirë ku e ka vënë ish-ministri i saj më “i suksesshëm”, Saimir Tahiri.
Edhe sot, Kapllanaj i Mallakastrës dh CEZ, kanë qenë në fokus të denoncimeve të mazhorancës, i pari kundrejt Bashës dhe i dyti kundrejt Adriatik Llallës, institucionalisht dhe jo nominalisht.
Për Kapllanajn, ose ndryshe “Elvis Roshin” e PD-së, deputetja Klotilda Bushka Ferhati, lëshoi akuza ndaj Bashës si mbrjtës i një ish-të dënuari. “Lulzim Basha vazhdon të bëjë hetuesin, prokurorin, gazetarin, dhe të mos i përgjigjet pyetjes pse vazhdon ta mbrojë kryebashkiakun e Mallakastrës duke shkelur ligjin e tij të dashur të dekriminalizimit. Basha kujton se do të mashtrojë përsëri demokratët, duke u kapur si i mbyturi pas fijes së barit me një histori që i takon drejtësisë, aspak Lulit, që ta zbardhë deri në fund. Kryeministri Edi Rama dhe kjo mazhorancë kanë dhënë shembullin e përjashtimit dhe të nënshtrimit ndaj organeve të drejtësisë të të gjithë individëve të akuzuar për kundërligjshmëri.”
Dhe nga ana tjetër, kreu i deputetëve socialistë, Taulant Balla, është marrë me dosjen CEZ, sipas mazhorancës, tentativën që po bën Prokuroria për ta mbyllur, ndërkohë që siç tha Balla, aty ndodhen “peshqit e mëdhenj.
“Kush janë këta prokurorë që u është dhënë e drejta të mos marrin fare në konsideratë se çfarë ka hetuar kuvendi i Shqipërisë. Prova rrënqethëse të korrupsionit shtetëror. Pse ky standard krejt i dyfishtë i prokurorisë që kompromenton tërësisht këtë organ si të përdorur në funksion të luftës së dëshpëruar për pushtet”. /tesheshi.com/
