Përleshje të dhunshme kanë ndodhur pranë ambasadës amerikane në Liban, në protestën më të fundit kundër vendimit të Donald Trump për të njohur Jeruzalemin si kryeqytet të Izraelit.
Forcat e sigurisë përdorën gaz lotsjellës dhe presionin e ujit për të detyruar protestuesit që të largohen nga kompleksi i ambasadës në veri të kryeqytetit, Bejrutit.
Gjatë natës, Liga Arabe dënoi vendimin e Trump duke thënë se Shtetet e Bashkuara e kanë humbur besueshmërinë si negociatorë të paqes në Lindjen e Mesme.
Protestuesit hodhën gurë dhe ndezën zjarre në rrugët afër ambasadës, ndërsa trupat e sigurisë barrikaduan rrugët.
Raportime në median lokale thonë se disa protestues u përpoqën të depërtojnë përmes hyrjes së kompleksit, duke u ngjitur në telat me gjemba. Demonstruesit me shaje të zinj e të bardhë, thirrën në kor sllogane ku denoncohej presidenti Trump. /tesheshi.com/
