Hackerat Anonymous kanë sulmuar të paktën 97 uebsajte në Japoni, që prej shtatorit, si pjesë të një fushate kundër gjuetisë së balenave. Lajmi është bërë i ditur nga ana e policisë.
Sipas rrjetit japonez NHK, sajtet e zyrtarëve të qeverisë, grupeve të përfshira në gjuetinë e delfinëve dhe balenave, organizata informuese dhe faqe aeroportesh, kanë qenë targeti i hakimeve, sikurse dhe sajti i kryeministrit Shinzo Abe.
Anonymous, sikurse dhe mbrojtësit e të drejtave të kafshëve nëpër botë, kanë protestuar kundrejt gjuetisë së këtyre gjitarëve, prej kohësh. Edhe pse Japonia e ka ndaluar prej kohësh këtë gjueti, vijojnë të gjuhen balenat për qëllime shkencore.
Policia japoneze është shprehur e shqetësuar në lidhje me sulmet e Anonymous dhe se ka të ngjarë që ato të përshpejtohen deri në samitin e vitit të ardhshëm në Mie Prefecture./tesheshi.com/
