Ajo për të cilën kreu demokrat Basha bëri thirrje në çadrën e protestës në Tiranë, ka ndodhur në Maqedoni dhe konkretisht në Kumanovë shpimi i gomave; por jo dhe thyerja e xhamave apo tërheqja zvarrë e dikujt.
Ka qenë kjo pasojë e thirrjeve të liderit të VMRO-së Gruevski, për të kundërshtuar paktin LSDM-BDI ku pala maqedonase pranohn Platformën Shqiptare.
Siç informon ALSAT-M, natën e kaluar në Kumanovë janë shënuar disa provokime, ku para shtëpisë së deputetit të LSDM, Maksim Dimitrievski disa qytetarë të panjohur kanë shkruar disa grafitë me porosi provokatore për të, si “ Makso tradhtari “ dhe “Makso është shërbëtor i shqiptarëve “.
Deputeti Dimitrievski nuk ka pranuar të prononcohet para kamerës për këto grafite, por në profilin e tij në fejsbuk ka shkruar: “Të mjerueshme janë përpjekjet tuaja për të manipuluar me opinionin, kriminelë”.
Ndërkohë, informon ALSAT-M. që gjatë natës ka pasur edhe provokime të tjera si çarja e gomave të veturave në disa zona të qytetit. Jo zyrtarisht mësohet për mbi 200 sosh, ku pronarët e disa gomisterive të qytetit kanë informuar se që nga mëngjesi shumë qytetarët i janë drejtuar punëtorive të tyre me goma të shpuara, ndërsa janë vizituar edhe nga policia. /tesheshi.com/
