Shqiptarët edhe njëherë në qendër të vëmendjes në gjithë botën. Kësaj rradhe ata nuk kanë lëshuar një dron por kanë hedhur disa mjete të forta brenda fushës së lojës duke bërë kështu të pësojë një lojtar i skuadrës mike nga Polonia. Ndeshja u ndërpre në fushë dhe vazhdoi në media. Kështu raportojnë mediat e njohura ballkanase dhe europiane lidhur me ndeshjen:
Kurrir: “Skandal në Tiranë. Shqiptarët vrasin me gurë një futbollist polak, i cili morri dëmtime të rënda”
Gazeta serbe “Kurrir” e ka cilësuar si skandaloze ngjarjen e ndodhur në Tiranë në takimin e velfshëm për eleminatoriet e Europa Ligës, ndërmjet Kukësit dhe Legia Varshavës. “Skandal në Tiranë. Shqiptarët vrasin me gurë një futbollist polak, i cili morri dëmtime të rënda”, ishte kryetitulli i gazettes së njohur serbe e cila vazhdon shkrimin duke thënë se incidenti u parapri nga tifozët vendas që kishin “dhunuar” brutalisht tifozët mysafir para fillimit të duelit, ndërkohë nuk kanë munguar se përleshjet në stadium.
The Guardian: “Ndërpritet ndeshja ndërmjet Kukësit dhe Legia Varshavës pas problemit të shkaktuar nga tifozët”
Diçka më butë ka raportuar e përditshmja britaneze “The Guardian”. Në artikullin e publikuar thuhet se ndeshja u ndëpre pas problemeve të shkaktuara nga tifozët, me ç’rast ka pësuar futbollisti polak Ondrej Duda i cili pasi u fashua u ngrit sërish në këmbë, mirëpo gjyqtari nuk pati sigurinë e nevojshme për ta vazhduar ndeshjen dhe e ndërpreu atë megjithëse ende nuk kemi ndonjë konfirmim zyrtar nga UEFA, lidhur me këtë ndeshje. Në ballinën e gazetës shihet shkrimi: “Ndërpritet ndeshja ndërmjet Kukësit dhe Legia Varshavës pas problemit të shkaktuar nga tifozët”.
Daily Mail: “Mbyllet para kohe ndeshje e Europa Ligës pasi një lojtar i Legia Varshavës u godit me mjete të forta në fushë”
Diçka të ngjajshme ka shkruar një tjetër medium britanik. Prestigjiozja “Daily Mail”, shkruan për përfundimin e parakoshëm të ndeshjes ndërmjet Kukësit dhe Legia Varshavës, pas goditjes që morri futbollisti polak Duda. “Mbyllet para kohe ndeshje e Europa Ligës pasi një lojtar i Legia Varshavës u godit me mjete të forta në fushë”. Por, ajo që bie në sy është rikthimi i sërishëm i futbollistit brenda fushës së lojës, pasi ishte i fashuar dhe kishte zëvendësuar fanelën për të vazhduar ndeshjen e cila nuk ndodhi kurrë.
Marca: “Tifozët godasin futbollistin, ndërpritet ndeshja”
Mediumi i njohur spanjoll tashmë del me konkluzione të qarta lidhur me fatin e ndeshjes, para se organet kompetente të UEFA-s të dalin me një qëndrim zyrtar. “Tifozët godasin futbollistin, ndërpritet ndeshja”, ishte titulli kryesor në ballinën e gazetës spanjolle. Sipas së cilës polakët do të kalojnë në turin e rradhës pa luajtur fare ndeshjen kthyese në Poloni, pasi sipas gjitha gjasave UEFA do ta përjashtojë nga garat skuadrën shqiptare të Kukësit. /tesheshi.com/
