Pak pasi nga LSI zgjedhjet e 25 qershorit u shpallën si të zhvilluara nën terror, siç u tha nga Petrit Vasili prej bandave nacionalsocialiste të pushtetit (nënkupto: naziste), kreu i delegacionit të PE-së për Shqipërinë, Eduart Kukan ka dhënë një opinion krejt të kundërt. Për të, procesi ishte në avancë për mirë.
“Unë e bëj krahasimin me zgjedhjet e kaluara, të cilat i kam ndjekur po ashtu nga afër dhe mund te them se këto të fundit janë më të mira”, i tha Kukan për DW.
Megjithatë, diplomati i njohur i Brukselit, është tregues mirëkuptues ndaj reagimeve nervoze, që siç dihet po vijnë nga partia e Metës, e rënë në opozitë, siç ajo nuk e kishte llogaritur kurrë që mund të ndodhte.
“Të tjerët janë përballë treguesve që nuk i kanë pritur. Por aktiviteti politik kështu e ka. Ajo që dua të theksoj është se fitues e humbës duhet të bëjnë gjithçka që të mbahet një klimë e qetë, ku atyre që janë duke punuar në komisione t’u krijohet mundësia që të bëjnë sa më mirë dhe sa më shpejt detyrën”, u shpreh Kukan. /tesheshi.com/
