Ish-eurodeputeti Eduart Kukan, ndër më të afërtët me zhvillimet shqiptare vitet e fundit, ka dhënë sinjalin e parë aspak pozitiv për shanset e pakta që Shqipërisë t’i hapen negociatat në tetor.
“Ata (shqiptarët) duhet të zbatojnë një reformë të madhe në drejtësi, opozita bojkoton Parlamentin dhe mbi të gjitha, shqiptarët nuk mund të gjejnë kompromise”, është shprehur Kukan Në një intervistë për ‘Slovak Foreign Policy Association’. E krahas kësaj, Kukan tha se Maqedonia Veriore mundet ta marrë datën e shpresuar.
“Maqedonisë së Veriut mund t’i jepet një datë specifike në samitin Evropian të vjeshtës, çka për mua është realiste”, ka deklaruar ai.
Nëse ndodh kjo, referuar arsyeve të artikuluara për Shqipërinë, do të thotë se opozita me daljen e saj në rrugë e ka mundësuar mosçeljen e negociatave. /tesheshi.com/
