Ish-eurodeputeti sllovak Eduart Kukan, ka kritkuar ashpër shefen e Politikës së Jashtme të BE-së në ikje, italianen Federica Mogherini, duke e akuzuar atë për dështimin e dialogut mes Prishtinës dhe Beogradit.
Ai tha se Mogherini, në momentin kur Kosova vendosi taksat për importet e mallrave nga Serbia “duhet të kishte udhëtuar atje dhe ulte me patjetër Beogradin në tryezë”.
Duke folur për përpjekjet për të ringjallur idenë e shkëmbimit të territoreve mes Serbisë dhe Kosovës, Kukan paralajmëroi se kjo mund të destabilizojë Bosnjën.
Ai gjithashtu thotë se nuk mendon që Josep Borell, pasardhësi i Federica Mogherinit, do të bëjë një punë shumë më të mirë.
“E mbaj mend kur ishte President i Parlamentit Evropian. Emërimi i tij më befasoi, sepse spanjollët kanë politikanë shumë më dinamikë dhe më të rinj,” tha Kukan.
Kukan gjithashtu bën thirrje për emërimin e një të dërguari special për të zgjidhur dialogun Serbi-Kosovë.
Ish-anëtarët e PE-së, Kukan dhe Knut Fleckenstein, të cilët janë për një vizitë dy-ditore në Beograd, pritet të flasin sot me anëtarët e Asamblesë Kombëtare Serbe. /tesheshi.com/
