Në Parlamentin Europian janë diskutuar ditën e sotme amendamentet për Shqipërinë, ku Raportuesit Knut Fleckenstein dhe Eduard Kukan u shprehën se klima politike e tensionuar në vend mund të bëhet pengesë për anëtarësimin e Shqipërinë në BE.
Raportuesi Eduard Kukan është shprehur se vendi ynë është pas me gjyqësorin.
“Shqipëria ka ende probleme me drejtësinë. Pas ngelet gjyqësori”,- ka thënë Kukan në fjalën e tij. Ai ka shtuar se sa i takon luftës kundër korrupsionit dhe zbatimit të ligjit, mbeten ende hapa për t’u realizuar.
Nga ana e tij, eurodeputeti Knut Fleckenstein u shpreh se fillimisht ishin 192 amendamente për Shqipërinë, por ato u reduktuan në 16, për të cilat palët kanë gjetur konsensusin. Sipas tij, është me rëndësi implementimi i amendamenteve për Shqipërinë për ndjekjen e reformave në mënyrë që të hapen negociatat.
“Edhe përpara zgjedhjeve dialogu apo tensioni politik vijojnë të mbeten prezentë. Vijon ende të ketë një klimë tensioni mes partisë në pushtet dhe partisë në opozitë”,- deklaroi z. Fleckenstein./tesheshi.com/
