Janë ushqimet më të njohura në botë – makaronat: janë të lira për pothuajse të gjithë, kanë shumë forma dhe shije! Megjithatë, në shumë pak raste e dimë se nga vjen ky ushqim në tryezat tona.
Sipas rregullave të BE-së, prodhuesit e makaronave duhet të tregojnë origjinën e grurit nëse ky i fundit përpunohet në një vend tjetër. Por djalli fshihet në imtësi. Nëse për shembull, marka përdor një flamur italian ose një emër që tingëllon italisht, atëherë duhet të njoftojë nëse gruri (lënda e parë) vjen nga BE apo jashtë saj.
Sipas Dario Dongo, avokat i industrisë së ushqimit, kjo nuk garanton transparencë.
“Indikacioni BE /jo-BE është i padobishëm. Thjesht thotë se lënda e parë është me origjinë nga Planeti Tokë, dhe jo nga Saturni apo Jupiteri! Sepse BE / jo-BE nuk do të thotë asgjë tjetër përveç një hapësire. A është kjo transparenca e duam? Sigurisht që jo! ”.
Por çfarë do të thotë kjo për konsumatorët?
Në supermarkete, ne kemi një zgjedhje të gjerë midis markave të ndryshme dhe llojeve të ndryshme të makaronave. Por për konsumatorët, është e vështirë të dihet se nga vjen gruri, nga i cili është prodhuar produkti.
Euronews tregon se si morën tri pako të rastësishme të makaronave. E para është një markë belge e cila thotë se prodhon makarona me grurë belg.
Një markë e dytë shënon “Made in Italy”, por paketa zbulon se ka përdorur grurë që nuk vjen nga BE-ja. Një markë e tretë, që përdor si logo një flamur italian, tregon vetëm se makaronat u prodhuan në BE …. por askush nuk e di se ku! Kjo do të thotë që për momentin në Evropë ka shumë paqartësi në raftet e dyqaneve…. dhe në pjatat madje. /tesheshi.com/
