Sot mbushen 21 vjet nga referendumi kushtetues i ’98-ës, ardhur si proces një vit pasi socialistët kishin marrë pushtetin në zgjedhjet e parakohshme të 97-ës. Nuk do kujtohej ky zhvillim politik sikur të mos qe pjesë e deklarimeve të këtyre ditëve nga ana e presidentit Meta.
I vetëshpallur si tribun i Kushtetutes, në mbrojtje të saj cenuar edhe nga ndërkombëtarët sipas tij, Meta ka sjellë në rikujtesë 22 nëntorin e 98-ës, duke thënë se atë ditë u votua “një Kushtetutë e shkëlqyer”, e përcjellë idenë se ai ka qenë një ndër kontributorët e saj. Në fakt, Meta nuk ka patur ndonjë rol të caktuar në hartimin e asaj Kushtetute. Ajo u mishërua me emrat e dybashkëhartuesve të saj, Arben Imami e Sabri Godo. Meta do fekste si faktor politik vetëm një vit më pas dhe vetëm në zhvillimet brenda PS-së, duke marrë për pasojë postin e kryeministrit.
Ndërkohë, referendumi i 22 nëntorit, ishte 30 qershori i 2019-ës. Ai i bojkotua nga PD, e cila i vuri xancën “kallash” asaj që do dilte prej saj – Kushtetutës. Pasi e cilësoi parlamentin e dalë pas zgjedhjeve të 28 qershorit ’97 si “i kallashit”, të njëjtën gjë bëri dhe me Kushtetutën. Pra, ajo që Meta sot tund para publikut – Kushtetuta – të cilën e cilëson si “të shkëlqyer” e që thotë se po e mbron nga shkelësit e saj – kundërshtarët politikë e ndërkombëtarët në aleancë me ta – është bojkotuar nga opozita, referuar partisë më të madhe – PD-së. E kjo e fundit, vite më pas, ka vepruar me të por pa u shprehur kurrë politikisht nëse vendosi ta pranojë. Iu kujtua madje kjo gjë Berishës në debatin mbi hapjen e kutive pas zgjedhjeve të 2009-ës. Përballë kërkesës së opozitës socialiste për hapje kutish, referuar një pike të kodit zgjedhor, kreu demokrat i përgjigjej se “po mbronte Kushtetutën e ligjin”, pra që sipas tij nuk lejonte një akt të tillë.
Pra, edhe sikur vërtet Kushtetuta të qe e shkëlqyer nga pikëpamja përmbajtësore, fakti që ajo është bojkotuar nga PD, e cila i është bërë aleate Metës në këtë kauzë, e bën atë me legjitimitet të cunguar.
Gjithsesi, kjo vlen për të kujtuar aspektin bojkotues, në një kohë kur opozita ka bojkotuar një palë zgjedhje, efektet e së cilës, me kryebashkiakë të një partie në çdo cep, Meta i konsideron si ilegjetimë. Ashtu siç konsideron edhe parlamentin me mandatet e djegura nga PD-LSI.
Vjen pyetja: a është legjitime “Kushtetuta e shkëlqyer” e tij e 21 viteve më parë, referendumi për të cilën u bojkotua nga opozita?
Eshtë ajo ende “Kushtetuta e kallashit”? /tesheshi.com/
