Me ardhjen e pranverës dhe shtimit të madh i qarkullimit të automjeteve bujqësore, si dhe të mërgimtarëve, Policia Rrugore e Kosovës i ka shtuar pikat e kontrollit nëpër rrugë.
Përmes një komunikate për media, policia njofton se krejt kjo po bëhet me qëllim të ngritjes së nivelit të sigurisë dhe parandalimit të aksidenteve të trafikut.
Në bazë të kësaj thuhet në njoftim, Njësitet Policore të Komunikacionit Rrugor, do të ushtrojnë kontrolle të vazhdueshme për respektimin e normave ligjore që kërkohen, duke përfshirë shpejtësinë e lejuar dhe përshtatjen e ngasjes së automjeteve me kushtet rrugës dhe shenjat e komunikacionit rrugor.
Po ashtu, policia kërkon dhe bënë apel që të ketë një kujdes më të shtuar të pjesëmarrësve në trafik, duke përfshirë edhe vet drejtuesit e mjeteve bujqësore, që t`i respektojnë rregullat e trafikut dhe shmangies së pasigurisë në trafik, sqarohet në komunikatë. /tesheshi.com/
