Shumica e produkteve ushqimore për fëmijë përmbajnë kimikate të rrezikshme, paralajmëron një studim i ri nga organizata jofitimprurëse The Label Clean Project. Në produkte janë gjetur përbërje arseniku, plumbi, kadmiumi dhe akrilamidi.
Hulumtuesit kanë analizuar 530 snacks të ndryshme, drithëra, formula dhe pije që janë blerë në pesë muajt e fundit. Ata zbuluan se 65% e produkteve të analizuara përmbajnë arsenik, 58% kadmium, 36% plumb dhe 10% akrilamid.
Është zbuluar se 80 për qind e formulave (qumësht i përshtatur) për foshnjat përmban arsenik, toksinë të cilën Organizata Botërore e Shëndetësisë e lidh me një sërë problemesh shëndetësore, siç janë sëmundjet kardiovaskulare, diabeti dhe kanceri. Sasi të mëdha të arsenikut janë zbuluar edhe në produktet me bazë orizin.
Hulumtimet kanë treguar se ushqimet e fëmijëve kanë 70 për qind më shumë akrilamide se pomfriti, dhe kjo kemikalie është e lidhur me dëmtimin e trurit dhe problemet riprodhuese. Ata gjithashtu zbuluan se 60 për qind e produktit me shenjën BPA free ishte në të vërtetë pozitive për bisfenol A, një kemikale industriale që përdoret në prodhimin e plastikës. /tesheshi.com/
