Ka marrë më shumë sesa priste prej orës së tij inteligjente Apple Whatch. Danezi Jargen Mouritzen ka rrëfyer se pasi ka blerë një orë të teknologjisë së fundit dhe e ka përdorur atë për pak kohë, ka ndier se ora nxehej shumë shpejt, bëhej inkandeshente dhe nisi t’i digjte lëkurën.
Ai tregon se dora i është djegur rëndë gjatë një mbledhje në një klub fluturimi ku Jargen kishte marrë pjesë. “Ndjeva erën e mishit duke u djegur. Rripi ishte aq i nxehtë saqë, në tentativë për të hequr orën, dogja edhe gishtat”,- tregon Jargen.
“Nuk kam pasur asnjë gjë tjetër që të mund të shkaktonte nxehjen e orës. Ka qenë rripi ai që ma bëri këtë shenjë. Mirëpo, Apple ende nuk na ka dhënë asnjë përgjigje”,- shton ai.
Mouritzen është një konsumator besnik i Apple dhe ka ngelur pa fjalë ndërsa nuk ka marrë ende një përgjigje nga ana e kompanisë, në lidhje me këtë ngjarje. Nuk është hera e parë që një Apple Whatch nxehet shumë dhe dëmton përdoruesin./tesheshi.com/
