A e dinit se është e mundur t’i shpëtoni rërës thithëse? E vetmja gjë që duhet të bëni nëse gjendeni në një situatë të tillë është të ngrini këmbët dhe të shtriheni me kurriz, me shumë kujdes.
Rëra thithëse mund të mbajë në sipërfaqen e vet një njeri më mirë se sa uji. Vetëm duhet të siguroheni që të mos ju kapë paniku e të mos filloni të luftoni kundër rërës, pasi lëvizjet e shpejta do t’ju zhysin më shpejt.
Meqenëse dendësia e rërës thithëse është më e madhe se ajo e njeriut, atëherë është pothuajse e pamundur që ju të zhyteni krejtësisht në të.
Megjithatë, nëse ju kap paniku dhe filloni të shtyni me këmbë apo përpiqeni të notoni sipër, rrezikoni të zhysni kokën në rërë, çka do të ishte një dënim me vdekje për ju. /tesheshi.com/
