Me këtë të nxehtë që bën, një kokteil i freskët me bazë frutash është ajo që shumë prej nesh dëshirojnë dhe mendojnë se është zgjidhja e duhur për tu freskuar. Por, bëni kujdes dhe shikoni këto pamje. Tregojnë disa reaksione kimike, të cilat kur bien në kontakt me lëkurën, mund t’ju shkatërrojnë përfundimisht verën dhe pushimet tuaja.
Këto pije mund të jenë shumë të rrezikshme nëse e gjejnë trupin të pa pregatitur dhe jo fort në formë. Lime, portokalli, selinoja dhe gjithë produktet e tjera që mund të shërbejnë për të zbukuruar gotën tuaj të pijes freskuese, mund të jenë një rrezik i vërtetë për shëndetin.
A e dini se lëngu i lime (një lloj fruti i ngjashëm me limonin, por jo limon) në rast se bien në kontakt me organizmin e tuaj nën ndikimin e rrezeve të diellit, mund të jetë një efekt me të vërtetë të paimagjinueshëm në të? Ai shkakton makthin e njohur me emrin phytophotodermatitis dhe që ndodh kur lëkura është e ekspozuar si ndaj lëngut të limes edhe ndaj rrezeve UVA.
Phytophotodermatitis mund të prekë të gjithë, pavarësisht nga ngjyra apo lloji i lëkurës, shumë persona e ngatërrojnë me reaksione të ndryshme që mund të shkaktohen si pasojë e prekjes me bimë që shkaktojnë alergji, por mjekët e njohin mirë këtë lloj reaksioni veror.
Ato që e shkaktojnë këtë reaksion nuk janë vetëm limet, por edhe agrumet apo selinoja, kopra, majdanozi si dhe disa lule të tjera të egra. Cila është mënyra më e mirë për t’u ruajtur prej tyre? Të lani në mënyrë të menjëhershme duart apo pjesët e tjera të trupit në rast se bini në kontakt me to si dhe të kujdeseni për cilësinë e kokteileve që konsumoni./tesheshi.com/
