Specialistët e shëndetit ngrenë alarmin për 2 lloje të diagnostifikuara të kancerit të lëkurës, andaj edhe këshillojnë që në këtë periudhë të bëni tepër kujdes me ekspozimin në diell.
Studiuesit nga Mayo Clinic kanë përdorur të dhënat nga Rochester Epidemiology Project për të krahasuar 2 prej sëmundjeve kancerogjene më të përhapura të lëkurës, midis 2000 dhe 2001 rasteve në vitet e mëparshme. Ato kanë raportuar se midis këtyre rasteve, është vënë re se diagnostifikimet për secilën nga këto lloje janë rritur me shifra të frikshme, respektivisht 263% dhe 145%.
Por çfarë po e shkakton këtë rritje të shpejtë të kancerit të lëkurës?
“Dielli dhe disa burime artificiale të tij janë duke shkaktuar dëmtimin e lëkurës dhe shfaqjen e sëmundjeve kancerogjene”, ka thënë Dr. Christian Baum, autor i studimit dhe dermatolog prej vitesh. Sipas tij dëmtimi i lëkurës ndodh çdo ditë dhe më pas akumulohet prej vitesh, derisa shfaqet kanceri i lëkurës.
Studimi tregon se duhet të bëhet kujdes i madh edhe nga trajtimet për nxirjen artificiale. Ato këshillojnë që gjatë kësaj periudhe, si edhe në ditët e nxehta në vazhdim të mos hiqni dorë nga mbrojtja nga dielli dhe nga përdorimi i kremrave./tesheshi.com/
