Përgjithësisht, edhe në kohët e lashta, me postë dhe në kutinë postare vinin përgjithësisht letra pune, apo edhe dashurie, ndërsa në ditët e sotme gjërat kanë ndryshuar paksa. Në kutitë postare gjejmë vetëm fatura, të cilat duhet t’i paguajmë. Kjo i ka ndodhur edhe 43-vjeçarit Paul Daniels.
Paul, i cili vuan nga probleme të ndryshme me shëndetin, një ditë hapi kutinë e tij postare dhe gjeti brenda në të një faturë. Deri këtu nuk ka asnjë gjë të çuditshme. Më problematikja vjen më pas.
Pasi hapi faturën, ai u has me një shifër marramendëse, të cilën duhej ta paguante: 80 mijë euro. Reagimi i burrit ishte i menjëhershëm: infarkt. Shtëpia e Paul në Yeovil, në Mbretërinë e Bashkuar, ka tre dhoma, ndaj është e vështirë dhe e pamundur të imagjinohet që një faturë tremujore të arrijë një shumë të tillë për tu paguar, pavarësisht shërbimit (ujë,energji elektrike, telefon).
Pauk është prekur edhe më herët nga një iktus, në pritje të një transplanti të mushkërive dhe një operacioni në zemër, për të riparuar një valvul difektoze, mori menjëherë një goditje në zemër, pas asaj fature. Letra, siç raporton Daily Mail, i ka shkaktuar një dëmtim mjaft të madh shëndetësor, për të cilin iu desh të shtrohej me urgjencë në spital.
“Habia dhe tronditja gati sa s’më vrau”,- tregon Daniel, i cili, për shkak të problemeve me shëndetin, nuk mund të punojë. Natyrisht, ajo ishte një faturë e gabuar, siç raporton edhe kompania e energjisë elektrike. Tani Daniel është i lumtur: “Jam i kënaqur që nuk do të më duhet të shes shtëpinë për të paguar faturën e energjisë”,- thotë ai./tesheshi.com/
