Pas një dite të lodhshme pune, prindërit në pamundësi për të gatuar për vete dhe fëmijët e tyre zgjedhin të porosisin ushqime të gatshme, kryesisht pica apo ushqime fast fudi. Por ata harrojnë dëmin që i shkaktojnë shëndetit të tyre, veçanërisht të fëmijëve.
Këta të fundit me ushqimet e konsumuara prej dyqaneve të “Fast Food-eve” apo restoranteve të ndryshme kanë futur në organizmin e tyre me tepri salcat, yndyrat dhe sheqernat. Ky është konkluzioni i shoqatës britanike të diabetit, pas hulumtimit të bërë në menytë e rrjetit britanik të ushqimit të shpejtë.
Kërkimet e kryera zbulojnë se përmes një pice fëmija merr më shumë se gjysmën e sasisë së kripës që i nevojitet në ditë. Kosi i frutave përmban më shumë se 2/3-at e sasisë së sheqerit që duhet të konsumojnë në 24 orë.
Kujdesi për çdo vakt ushqimorë për fëmijët thonë mjekët duhet të jetë i pandërprerë. “Më mirë një ushqim i shëndetshëm për fëmijët, edhe pse më pak i preferuar për ta, se sa ushqime kalorike dhe të dëmshme që preferohen masivisht nga fëmijët”, apelojnë mjekët britanikë./tesheshi.com/
