E pabesueshme por e vërtetë. Një burrë ka kërkuar të ndahet nga gruaja e tij për një arsye që sipas tij është shumë e drejtë. Cila është kjo arsye kaq madhore që e ka çuar këtë burrë t’i jap fund martesës së tij?
Mos qeshni, por ka të bëjë me faktin se bashkëshortja ka servirur me vonesë darkën në tavolinë. Vendimi i ndarjes është marrë në Lagos të Nigerisë. Një gjykatë ka marrë vendimin e divorcit të burrit 57 vjeçar me bashkëshorten e tij 25 vjeçare, pasi ajo shpesh i servirte vaktet me vonesë, përgjithësisht në mbrëmje.
Siç shkruan lokalja Vanguard, gjykata ka vendosur divorcin për një arsye të drejtë, pasi ka konstatuar se Olufade Adekoya ishte në fund të marrëdhënies bashkëshortore me të renë Olusola, e cila është shpallur fajtore pasi ka shërbyer vaktet me vonesë.
“Bashkëshortja ime ka dështuar në detyrimet e saj martesore. Ajo nuk e përgatit në kohë ushqimin që duhet të më japë. E kam paralajmëruar disa herë por nuk ka dashur të më dëgjojë. Nuk ka asnjë kuptim që të duroj një grua që më lë të jem i uritur. Më ka ardhur në majë të hundës”,- ka thënë burri.
Nga ana e saj, gruaja ka mohuar gjithçka që ka thënë burri, duke siguruar se burri po nxjerr justifikime pasi ka në plan të martohet me një grua tjetër, por gjykata nuk e ka besuar gruan./tesheshi.com/
