Na është bërë zakon që kur jemi duke ecur rrugës të përdorim aparatin tonë celular dhe të navigojmë në faqe të ndryshme interneti, por në fakt duhet të tregohemi pak më të kujdesshëm sepse mund ta pësojmë me të vërtetë shumë keq.
Kjo vajzë që shikoni në foto ishte duke përdorur smartfonin e saj gjatë kohës që ecte në rrugë dhe shkruante mesazh, por i ndodhi diçka e papritur.
Ajo u bllokua në një pusetë në rrugë pasi rrëshqiti, si pasojë e shpërqendrimit duke kontrolluar telefonin. Adoleshentja sapo kishte dalë nga shkolla dhe as që po shihte se ku po i hidhte këmbët.
Ngjarja në fjalë ndodhi në qytetin e Mianyang, në provincën kineze të Sichuan. Këmba e së resë ishte shumë e hollë dhe kështu ajo përfundoi mes hekurave të pusetës.
Asaj i erdhën në ndihmë kalimtarë të rastit, duke e nxjerrë prej andej me disa dëmtime të lehta. /tesheshi.com/
