Pirja e paracetamolit gjatë shtatzënisë është e lidhur me autizëm dhe ADHD tek fëmijët, ka gjetur një studim i ri. Djemtë, nënat e të cilëve kishin pirë paracetamol gjatë shtatzënisë së tyre, kishin më shumë gjasa që të jenë autistik, përderisa normat e ADHD ishin më të mëdha në të dyja gjinitë.
Ekspertët e shëndetit thonë se paracetamoli duhet të merret vetëm nëse është shumë e nevojshme gjatë shtatzënisë dhe në kohën më të shkurtër të mundshme.
Studimi më i fundit nga hulumtuesit spanjoll sugjeron se fëmijët të cilët i ekspozohen medikamenteve më të zakonshme përderisa janë në mitër, kanë më shumë gjasa që të shfaqin shenja të të dyja kushteve shëndetësore, transmeton boldnews.
Ky është studimi i parë që gjen një lidhje të fortë mes përdorimit të paracetamolit gjatë shtatzënisë dhe autizmit. Shkencëtarët thonë se ky është edhe studimi i parë që raporton efekte të ndryshme në vajza dhe djem.
Hulumtimi u bë nga hulumtuesit në CREAL, pjesë e Institutit të Barcelonës për Shëndetin Global. /tesheshi.com/
