Një vajzë tre vjeç e gjysmë ka ndërruar jetë në Tolosa të Francës, pasi është mbytur me lojën që kishte brenda një vezë me çokollatë. Siç raportohet, vajza u dërgua në spital gjatë fundjavës së shkuar, pasi gëlltiti lojërat e vogla që ndodheshin në brendësi të vezës.
“Vajza ishte duke luajtur mbi tavolinën e shtëpisë së të ëmës në Saint-Elix-le-Château, në Jug të Muret, kur dha shenjat e para të mbytjes. Gruaja menjëherë telefonoi mjekët, të cilët mbërritën me shpejtësi por nuk arritën ta mbanin vajzën në jetë. Autopsia nxori si shkak të vdekjes, bllokimin e rrugëve të frymëmarrjes”,- shkruajnë mediat lokale.
Ferrero, kompania prodhuese e vezëve Kinder ka bërë me dije se është lajmëruar për këtë ngjarje të mbytjes së vajzës franceze “për shkak të një loje që ndodhej brenda një veze me çokollatë”, por nuk e dinë ende nëse veza ishte Kinder apo e ndonjë lloji tjetër./tesheshi.com/
