Kujdes me duhanpirjen në shtatzëni: ja çfarë i bën trurit të fëmijës

Pirja e duhanit gjatë shtatzënisë mund të ketë efekte afatgjata në trurin e fëmijëve, të cilët manifestohen në lindjen e bebes me anomali në lidhjet nervore, të formuara në fazën e zhvillimit.

Ky është përfundimi që sugjerohet nga një studim i realizuar mbi disa kafshë, i cili është publikuar në revistën Nature Neuroscience. Sipas Marina Picciotto, e cila ka realizuar studimin në Yale University, ky zbulim mund të shpjegojë se përse fëmijët, nënat e së cilëve kanë pirë duhan gjatë shtatzënisë, kanë më shumë gjasa të japin shenja të hiperaktivitetit dhe mungesës së vëmendjes.

Picciotto ka vënë re se minjtë, të cilët iu ekspozuan nikotinës gjatë zhvillimit të fetusit, paraqesin një funksionim të keq të një gjeni të rëndësishëm për formimin e sinapseve dhe lidhjeve nervore gjatë fazës së zhvillimit. /tesheshi.com/