Në kufirin Kosovë-Shqipëri, vendkalimin kryesor, nëpër autostradën e kombit, në Vërmicë-Morinë, këtë mëngjes të fluksit në shtim të fundvitit në hyrje e dalje kalohet për 15 deri 20 minuta, kolonat janë 30 deri 50 metra. Në dy vendkalimet tjera, Qafë të Prushit dhe Qafë të Morinës, nuk ka pritje, kalohet për më së shumti tre minuta, bën të dutur Qendra Kombëtare për Menaxhim Kufitar të Kosovës.
Sipas të dhënave nga 12 vendkalime kufitare kosovare, në pikëkalimin kufitar me Serbinë në Merdare, te Podujeva, ku dje pasdite në hyrje drejt Kosovës ishte krijuar kolonë automjetesh e gjatë prej rreth 2 kilometrash, ndërsa pritjet zgjasin 4 deri 6 orë, sot në mëngjes kalohet për 30 minuta në kolonë 50 deri 100 metra.
Në vendkjalimet tjera të Kosovës me Serbinë ka më pak pritje e kolona, në vebndkalimet kufitare me Maqedoninë, Han të Elezit e Glloboqicë, pritjet janë më së shumti 10 minuta, kolonat deri 40 metra.
Gjithsej 700,7 km është gjatësia e kufijve të Kosovës me shtetet fqinje: 111,8 me Shqipërinë, 158,7 me Maqedoninë, 78,6 me Malin e Zi dhe 351,6 me Serbinë. /tesheshi.com/
