Presidenti Thaçi dha garanci se Veriu i Kosovës kurrë nuk do i kalojë Serbisë, ashtu siç përfolur ndaj tij, apo dhe akuzuar, që pas promovimit të idesë për korrigjimin e kufijve.
“As Gazivoda, as veriu i Mitrovicës, e as Trepça, në asnjë rrethanë, në asnjë moment, kurrë nuk do të jenë pjesë e ndonjë kompromisi në raport me Serbinë. Është e përmbyllur për mua”, tha kreu i shtetit të Kosovës i ftuar në “Të Paekspozuarit”.
Përkundër kësaj, ai shprehu bindjen se nga korrigjimi i kufijve, apo ndryshe demarkimi teknik siç e quajti, do mund të merret Lugina.
“Nuk mund të ndodhë një marrëveshje përfundimtare, me njohje reciproke, me anëtarësim të Kosovës në OKB, edhe pa definimin e plotë të kufirit dhe njohjen reciproke, që do të thotë një demarkim teknik.
Unë në kuadër të këtij demarkimi, besoj fuqishëm se mund të përfshijmë Preshevën, Medvegjën dhe Bujanovcin. Të tjerat nuk janë deklarime të mijat, apo opinionet që janë prezantuar nga të tjerët. Unë punoj për një demarkim teknik, përmbyllës, Kosovë-Sërbi, që do të përfshinte Preshevën, Medvegjën dhe Bujanovcin”, deklaroi Thaçi. /tesheshi.com/
