Për kryeministrin Rama, vendimi i BE për të hapur kufijtë vetëm me Serbinë e Malin e Zi nga rajoni, pra as me Shqipërinë as me Kosoën, as me Bosnjën apo Maqedoninë Veriore, është politik e jo epidemiologjik.
“Dje komunikoja me Brukselin për listën e vendeve që do të hyjnë në këto rrugët e hapura në dy javët e para për koronavirusin. Diskutimi në Bruksel: kishte shtete europiane që thoshin nuk duam të dimë fare as për shifra dhe lista, askush, nuk duam të na vijnë nga Ballkani, Turqia, bota, njerëz të infektuar. Kjo është politikë”, tha shefi i qeverisë shqiptare.
Ndërkohë, një ditë më parë, analisti Skënder Minxhozi aludoi, në një shkrim të ashpër kritik, se këto vende janë përjashtuar në emër të një diferencimi me nuanca fetare, pasi rezultojnë me popullsi muslimane. /tesheshi.com/
