Maqedonia Veriore do të hap të gjitha vendkalimet e saj kufitare nesër pa një provë të detyrueshme katërmbëdhjetë ditore PCR dhe izolim ose izolim shtetëror.
Ndodh kjo ndërsa ky vend vijon të regjistrojë shifra të larta infeksioni, madje dhe vdekjeje, më rëndë se çdo vend në Ballkan.
“Pas vendimit të qeverisë për hapjen e kufijve, të gjithë qytetarët vendas dhe të huaj do të jenë në gjendje të udhëtojnë dhe të kalojnë tranzit nëpër territorin e këtij vendi, pa detyrimin të bëjnë një test PCR për virusin korona dhe të karantinohen për katërmbëdhjetë ditë”, thuhet nga agjencia MIA.
Bazuar në rekomandimin e Komisionit për Sëmundje Infektive në Maqedoninë Veriore, qeveria miratoi një vendim të tillë, dhe gjithashtu vendosi të hapë aeroportet në Shkup dhe Ohër për trafik nga 1 korriku.
Kryeministri Oliver Spasovski konfirmoi se hapja e kufijve nuk është një vendim politik, në lidhje me zgjedhjet e ardhshme në atë vend, të cilat do të mbahen më 15 korrik, por se bazohet ekskluzivisht në analizat epidemiologjike dhe pozicionin e Komisionit për Sëmundje Infektive.
Ai tha në konferencën për shtyp se qytetarët duhet të mësojnë të jetojnë me virusin, dhe, siç deklaroi ai, kjo do të thotë që të respektohen rekomandimet për veshjen e pajisjeve mbrojtëse personale, mbajtjen e një distancë dhe dezinfektimin e shpeshtë. /tesheshi.com/
