Kualifikimet “Francë 2016”: Së bashku me Shqipërinë, në Francë vijnë edhe Gjermania, Polonia e Rumania

“Biletën” për në kampionatin europian që do mbahet vitin tjetër në Francë, së bashku me Shqipërinë e kanë siguruar edhe përfaqësueset si Gjermania, Polonia e Rumania. Këto janë kombëtaret e fundit që janë bashkuar tashmë karavanit të gjatë që kanë siguruar kualifikimin për në europian.

Në grupin D, Gjermani është konfirmuar si kampion i grupit. Falë fitores ndaj Gjeorgjisë në shtëpi, (2-1) kampionët e botës blindojnë pozitën e parë me 22 pikë dhe sigurojnë direkt kualifikimin. Polonia ka fituar luftën përballë Irlandës për pozitën e dytë që gjithashtu i mundëson shkuarjen direkt në Francë. Polakët mposhtën irlandezët, (2-1) për t`i tejkaluar në renditjen tabelare, ndërkohë këtyre të fundit iu mbetet edhe një mundësi, që fatin ta testojnë përmes kualifikimeve të play off-it.

Rumania i është bashkuar Irlandës së Veriut në marshin për në Francë. Fitorja në udhëtim ndaj Ishujve Faraoe, (0:3) u ka mundësuar atyre pozitën e dytë në renditjen tabelare. Ndërkohë, Hungaria fatin duhet ta provojë përmes play off-it barazhit, pasi Greqia i ka prishur punët që e mposhti në Athinë pa ndonjë arsye, (4-3).

Në grupin I, Shqipëria ka zënë trenin e fundit për në Paris. Kombëtarja shqiptare ka mposhtur pastër në udhëtim Armeninë, (3-0) për t`u klasifikuar si e dyta, duke iu bashkuar kështu Portugalisë, që i dha shqelmin e fundit Serbisë në Beograd, (2-1). Danimarka pësoi dy goditje. Kualifikimi i Shqipërisë, do të jetë një goditje e rëndë për danezët, ndërkohë kësaj i bashkohet edhe disfata në miqësoren përballe Francës, për të kompletuar kaosin. Megjithatë, një mundësi të fundit Danimarka do ta kërkojë përmes ndeshjeve të play off-it. /tesheshi.com/