Kualifikimet EURO 2016: Gjermania rimerr kreun

Situata mbetet ende e paqartë në Grupin D, pasi janë katër skuadra që pretendojnë të marrin biletat që u mundësojnë pjesëmarrjen në kampionatin Europian “Francë 2016”. Megjithëse tashmë është skuadra gjermane që hedh një hap para drejt asaj rruge pasi ka mposhtur Poloninë (3:1) dhe ka rimarrë sërish kreun e tabelës.

Irlanda ka shfrytëzuar në maksimum rrëshqitjen e Skocisë në udhëtim tek Gjeorgjia për t’u ngjitur në vendin e tretë në klasifikimin. Irlandezët i kanë bërë adetin skuadrës së Gjilbraltarit duke e mposhtur bindshëm (4:0). Ndërkohë, Gjeorgjia i ka dhuruar një surprizë të pakëndshme Skocisë duke e mposhtur minimalisht (1:0).

Në Grupin F, Irlanda e Veriut është tashmë skuadra e parë. Një fitore në udhëtim ndaj Ishujve Farao (3:1) dhe një hap fals i rumunëve në Hungari (0:0), u mundëson irlandezëve të kryesojnë grupin.
Greqia pas humbjes ndaj Finlandës në shtëpi (1:0) ka zbehur edhe ato pak gjasa për një kualifikim të mundshëm.

Në Grupin I, aty ku ndodhen edhe “shqiponjat” është zhvilluar takimi tjetër ndërmjet Serbisë dhe Armenisë që përfundoi në favor të ballkanasve për të marrë kështu pikën e parë përkundër fitores prej 2:0. Ndërkohë, Franca në ndeshjen miqësore e ka mposhtur Portugalinë (1:0), kundërshtarin me të cilin do përballet Shqipëria në ndeshjen e radhës. /tesheshi.com/