Ministri i Jashtëm saudit, Adel al-Jubeir tha se nuk e dinte se ku mund të ndodhej trupi i gazetarit të vrarë Jamal Khashoggi, duke theksuar se vdekja e tij ishte një “gabim i madh”.
“Është një gabim i madh, është një tragjedi e tmerrshme”, tha ministri saudit në një bisedë me Fox Neës nga Riadi. “Unë garantoj se ata që janë përgjegjës për këtë rast do të dënohen”, shtoi ai.
I pyetur se ku është trupi dhe nëse është copëtuar, ministri tha se çështja po hetohet me Turqinë.
“Ai u vra në konsullatë, nuk e dimë saktësisht se si dhe nuk e dimë se ku është trupi”, tha Jubeir.
Marrëdhëniet mes Uashingtonit dhe Riadit do të kapërcejnë këtë rast, tha kreu i diplomacisë saudite, duke theksuar se princi Princi i Kurorës Mohammed bin Salman nuk dinte asgjë për operacionin.
Nga ana tjetër, presidenti Erdogan premtoi të dielën se të martën do të zbulojë të vërtetën e vrasjes gazetari saudit.
Riad pranon të shtunën se Khashoggi u vra në konsullatën saudite në Stamboll, por bashkësia ndërkombëtare ka shfaqur mosbesim ndaj versionit të ofruar nga Arabia Saudite. /tesheshi.com/
