Times Square ndodhet në Midtown të Manhatanit, në New York. Fillimisht ky vend quhej Longacre Square, ndërsa emrin Times Square e mori në prill të vitit 1904 kur publikuesi i gazetës New York Times zhvendosi ndërtesën e punës në këtë zonë.
Kjo zonë njihet me emra të ndryshëm si “Crosswalk of the World” dhe “Great White Way”. E vendosur në Midtown, kjo zonë ndodhet mes 40th Street dhe 53rd Street nga njëra anë dhe mes 6th e 9th Avenue. Times Square është shtëpia e shumë teatrove dhe atraksioneve të tjera si restorante apo brende të ndryshme.
Times Square njihet për billboardet e ndritshme dhe shtëpinë e teatrit Broadway. Në këtë vend priten mijëra persona natën e ndërrimit të viteve. Tradita e festimit të vitit të ri në Times Square ka nisur në vitin 1907. /tesheshi.com/
