Ende nuk dihet se ku ka mbetur Sokol Bashota, kryetari i Komunës së Klinës. Ai nuk është gjetur as dje, kur policia bastisi zyrën e tij në komunë dhe disa zyra të tjera të tjera.
Prokuroria Speciale dyshon se Bashota ka kryer veprën penale të “keqpërdorimit të detyrës zyrtare”, bashkë edhe me disa zyrtarë të tjerë komunalë
Sot (e premte) edhe pse ditë pune, Bashota nuk ka qenë në zyrën e tij.
Zyrtarja për media e komunës së Klinës, Samije Gjergji, ka thënë për lajmi.net se: “Kryetari pritet të vijë më vonë në punë”.
Megjithatë, nëse zyrtares për media i falet të mos dijë vendndodhjen e kreut të Komunës, në të njëjtat pozicione është edhe policia e shtetit, e cila zyrtarisht nuk ka asnjë informacion për Bashotën.
Zyrtarë për informim në Policinë e Kosovës në Prishtinë, kanë thënë se nuk kanë ndonjë informacion mbi vendndodhjen e Sokol Bashotës. /tesheshi.com/
