Ka pasur një riaktivizim të frikshëm të kriminalitetit në Shqipëri gjatë ditës së sotme. Në harkun kohor të katër orëve shtë grabitur një bankë në Tiranë, një qendër tregtare në Fier dhe një biznes në fshatin bulgarec të Korçës.
Tiranë
Një filial banke është grabitur paraditen e së hënës në zonën e “21 Dhjetorit”, në Tiranë. Sipas dëshmitarëve, autorët e grabitjes kanë qenë dy persona të armatosur. Ata e kanë kryer grabitjen për 3-4 minuta. Ende nuk dihet shuma e parave të marra nga banka.
Fier
Menaxheri i një kompanie private të shitjeve elektronike është grabitur paraditen e të hënës në Fier. Informacionet e para bëjnë të ditur se ngjarja ka ndodhur në lagjen “Apollonia”. Në afërsi të shkollës “Dertliu”, dy persona të paidentifikuar i kanë marrë nga dora çantën menaxherit të kompanisë private dhe janë larguar me shpejtësi. Në çantë dyshohet të ketë pasur rreth 20 milionë lekë të vjetra. Policia është vënë në ndjekjen e autorëve dhe zbardhjen e ngjarjes.
Korçë
Në fshatin Bulgarec të Korçës është grabitur një biznes privat. Sipas policisë, aty kishte prodhime materialesh ndërtimi të shtetasit L.L, kanë hyrë dy persona të maskuar dhe të armatosur, të cilët dyshohet se kanë vjedhur një sasi parash brenda kasafortës së biznesit dhe më pas janë larguar. /tesheshi.com/
