Në orët e vona të së premtes 110 qytetarë kosovarë janë kthyer nga Siria, shumica prej tyre gra dhe fëmijë. Aksioni mësohet të jetë përkrahur edhe nga ushtria amerikane.
Fillimisht ishte raportuar se një aeroplan me flamurin e SHBA-ve kishte ateruar në Aeroportin e Prishtinës, teksa operacioni në fjalë po kryhej.
Por konfirmimin e asistimit për riatdhesim e ka dhënë zëdhënësi i ushtrisë amerikane Sean Robertson, i cili pohoi se “asetet amerikane janë përdorur për të mbështetur këtë operacion”.
Por Robertson mohoi se ka mundësi që në mesin e të riatdhesuarve të ketë ndonjë pjesëtarë të dyshuar si luftëtarë të huaj, në ndërkohë që asnjë informacion shtesë nuk është dhënë për shkaqe të sigurisë.
Në mesin e të riatdhesuarve janë 32 gra dhe 74 fëmijë, duke përfshirë edhe nëntë prej tyre pa prindër. /tesheshi.com/
