Tre astronautë kinezë u kthyen të dielën pasi kaluan gjashtë muaj në hapësirë.
Astronautët ishin pjesë e misionit të Kinës Shenzhou-15 që u ul në Dongfeng në Rajonin Autonom të Mongolisë së Brendshme të Kinës veriore.
Anija kozmike e drejtuar që mbante Fei Junlong, Deng Qingming dhe Zhang Lu ka përfunduar me sukses misionin e saj, sipas autoritetit hapësinor të vendit.
Shenzhou-15 and its crew of three returning to Earth just hours ago pic.twitter.com/QqoGDMPnHa
— Latest in space (@latestinspace) June 4, 2023
Kina e ka stacionin e saj hapësinor Tiangong plotësisht funksional që nga fundi i vitit të kaluar.
Treshja e taikonautëve u pasua nga tre astronautë kinezë javën e kaluar – Jing Haipeng, Zhu Yangzhu dhe Gui Haichao, dhe janë pjesë e misionit Shenzhou-16.
Astronautët e rinj pritet të qëndrojnë në stacionin hapësinor për pesë muaj.
Ekuipazhi Shenzhou-15 mbërriti në hapësirë në nëntor, duke iu bashkuar ekuipazhit prej tre anëtarësh të anijes kozmike të drejtuar Shenzhou-14. /tesheshi.com/
