Presidenti iranian Ebrahim Raisi konfirmoi se 3,506 pllaka argjile Achaemenid u kthyen në Iran nga Shtetet e Bashkuara pas më shumë se 85 vjetësh.
“Gjatë udhëtimit në New York, ne shpjeguam qëndrimin e Iranit në drejtim të sigurimit të interesave dhe vlerave të kombit iranian,” tha Raisi pas mbërritjes në Teheran në fund të një qëndrimi tre-ditor në New York, ku ai mori pjesë në një takim të Asamblesë së Përgjithshme të Kombeve të Bashkuara.
Monarkia e parë persiane
Sipas tij, aktivitetet e Ministrisë së Trashëgimisë Kulturore të Iranit dhe Ministrisë së Punëve të Jashtme kanë rezultuar me kthimin në vend të një pjese të madhe të trashëgimisë kulturore iraniane.
“Ne i kemi kthyer 3506 pllaka në vend dhe pjesa tjetër do të kthehet së shpejti”, tha presidenti iranian.
Monarkia Achaemenid ishte monarkia e parë persiane që nga viti 550 deri në 330 para Krishtit, e cila përfshiu territorin e Iranit. Pllakat që u kthyen ishin deri tani në Institutin për Studimin e Kulturave të Lashta në Universitetin e Chikago-s. /tesheshi.com/
