Një ndryshim i madh, i cili do të ketë ndikim në gamën e jashtëzakonshme të rezultateve politike – që nga zgjedhjet në SHBA dhe në llojin e informacionit me të cilin ushqehemi çdo ditë në media sociale, ka ndodhur qetësisht këto ditë.
Thuhet se Mark Zuckerberg ka braktisur mënyrën e tij të tanishme të kontrollit të fakteve dhe moderimin e komenteve në Facebook, duke zgjedhur të përqafojë politikën e djathtë ekstreme, e cila vendos të drejtën absolute për shprehje të lirë mbi të gjitha të drejtat e tjera.
Me fjalë të tjera, “të gjithë zërat” duhet të marrin një trajtim të barabartë në Facebook – qoftë foto të maceve tuaja e qoftë propaganda fashiste.
Nën moton “Nuk është detyrë e Facebook të kontrollojë ato që thonë njerëzit”, Mark Zuckerberg ka një ideologji të re dhe politikë të re biznesi – tani është në dorën e botës që ta provojë në lëkurën e saj “të drejtën e shprehjes”.
Facebook ka qenë nën akuzë që prej zgjedhjeve amerikane të vitit 2016, ku thuhet se punoi në favor të Donald Trump.
E nga ana tjetër, Zuckerberg ka qenë në një turne faljeje për tre vjet, duke pranuar gabime dhe duke premtuar se do t’i korrigjojë ato në të ardhmen.
“Ne nuk e kemi kuptuar se sa përgjegjësi të madhe kemi. Ky është një gabim i madh. Ishte faji im. Dhe më vjen keq. Unë e krijova Facebook-un, unë e drejtoj atë, unë jam përgjegjës për atë që ndodh me të”, tha ai në dëshminë para Kongresit amerikan vitin e kaluar.
Akuza se në vitin 2016 ai bëri të mundur fushatën e dezinformimit rus që e ndihmoi Trump-in, nuk është gjëja më e keqe për Zuckerberg.
Agjentët rusë dikur hapnin profile të rreme dhe përhapnin “lajme të rreme” (përpara se Trump të fillonte të përdorte termin për lajme të vërteta që nuk i pëlqente), por Facebook ishte përdorur në pjesë të tjera të botës për akoma më shumë mizori.
Gënjeshtrat e përhapura në aplikacionin ËhatsApp të Facebook janë përgjegjës për një seri vrasjesh të stilit linçim në Indi, ndërsa një hetim i Kombeve të Bashkuara ka zbuluar se Facebook ishte mjeti kryesor për nxitjen e gjenocidit kundër pakicës muslimane.
Kështu që me Facebook-un, ne jo vetëm kemi një Trump, por disa njerëz humbën kokën – thuhet në disa media. /tesheshi.com/
