Sulmuesi i skuadrës gjermane të Bundesligës, Borussia Dortmund, Sebastien Haller, 28 vjeç, vuan nga kanceri i testikujve, njoftoi klubi pak javë më parë, duke shtuar se përfaqësuesi i Bregut të Fildishtë u largua nga kampi për trajtim.
Haller, i cili u largua nga Ajax këtë verë dhe nënshkroi për Borussia, u ankua pas stërvitjes se nuk po ndihej mirë. Pas ekzaminimeve të hollësishme gjatë ditës, i është zbuluar një tumor në testikujt.
“Një tumor në testikuj u zbulua pas ekzaminimeve të detajuara mjekësore. Ekzaminimet e mëtejshme do të kryhen në ditët në vijim në një qendër të specializuar mjekësore”, njoftoi klubi.
Një ditë pasi lajmi i tmerrshëm u përhap në mbarë botën, Haller foli edhe përmes rrjeteve sociale.
“Faleminderit të gjithëve për mesazhet e shumta të mbështetjes dhe dashurisë që nga njoftimi i djeshëm. Familja ime dhe unë ju falënderojmë. Tani do të fokusohem në rikuperimin tim për t’u rikthyer më i fortë,” tha Haller, me fansat që shprehin mbështetjen e tyre në komentet në Twitter dhe Instagram.
Sot, disa javë pas trajtimit, sulmuesi gjigant duket i panjohur. Sigurisht, ndryshime të tilla janë të zakonshme në trajtimin e kancerit, por bota e futbollit është ende e tronditur nga pamja e sulmuesit fizikisht imponues.
Haller e filloi karrierën e tij në Auxerre, më pas luajti për Utrecht, Eintracht, West Ham dhe Ajax. Me fanellën e kampionit holandez shënoi 32 gola në 50 ndeshje dhe këtë verë u soll te Borussia për 35 milionë euro si zëvendësim për norvegjezin Erling Haaland, i cili kaloi te Manchester City. /tesheshi.com/
