Një kthesë të paimagjinueshme deri më dje ka marrë lufta në Ukrainë, më saktë në frontin rus, pasi kreu i Wagner-it, Yevgeny Prigozhin, është kthyer kundër Moskës.
Ai dhe trupat e tij pretendojnë së fundi se kanë marrë Rostovin rus, njëherësh duke u rebeluar ndaj ushtrisë ruse.
Prigozhin nuk është i kënaqur me mbështetjen që merr nga Kremlini për një kohë të gjatë dhe së fundi ka pretenduar se kishte urdhra nga Ministria ruse e Mbrojtjes për të bombarduar grupin e tij Wagner.
Ndaj dhe Prigozhin ka vendosur për një lëvizje konkrete. Grupi i tij u largua nga Ukraina dhe, sipas disa mediave ruse, pushtoi qytetin e Rostovit. Këtu është komanda e Ministrisë ruse të Mbrojtjes, e cila ishte përgjegjëse për operacionet në jug të Ukrainës.
Pamjet dramatike nga qyteti u postuan në rrjetet sociale gjatë natës. Një numër i madh i trupave janë të pranishëm në rrugë dhe tani agjencia ruse TASS ka konfirmuar se bëhet fjalë për familjen Wagner.
Edhe Prigozhin foli me video nga qendra e Rostovit, ku kërkoi dorëheqjen e ministrit rus të Mbrojtjes Sergei Shoigu. Ai shtoi gjithashtu se nëse kërkesa e tij nuk plotësohej, familja Ëagner do të marshonte drejt Moskës.
Yevgeny Prigozhin in Rostov:
“We lost huge amount of territories in Ukraine. The Russian losses in Ukraine are 3-4 times higher than reported by the Russian High Command. Up to 1000 casualties a day (KIA + WIA).”#Coup #Rostov #Russia pic.twitter.com/mz0cSvVtpk
— (((Tendar))) (@Tendar) June 24, 2023
Në Rostov, situata aktuale është konfuze për qytetarët, të cilët janë habitur nga prania e fortë e ushtrisë. Kur u zgjuan në mëngjes, ata u pritën me tanke në rrugë dhe një qytet të bllokuar. Guvernatori i këtij rajoni, Vasilij Golubev, kërkoi nga qytetarët që të mos vijnë në qendër të qytetit, ku ekziston mundësia e madhe për konflikt të armatosur.
It looks like that Wagner units are preparing to storm the headquarters of the Russian Souther Military district. They definitely control the streets and it appears that resistance is zero. This coup is in full swing.#Rostov #Russia #Coup pic.twitter.com/ywgrW4afbc
— (((Tendar))) (@Tendar) June 24, 2023
Ky është sigurisht një problem i madh për presidentin rus Vladimir Putin, i cili tani ka dy grupe të armatosura në territorin e tij që bëjnë thirrje për luftë kundër regjimit. Përveç kësaj, është duke u zhvilluar kundërofensiva e Ukrainës, e cila, sipas ekspertëve, nuk ka arritur ende maksimumin e saj.
Mbetet të shihet se si do të zgjidhet situata në Rostov. /tesheshi.com/
