Mbërriti sot në Shqipëri trupi i pajetë i emigrantit shqiptar, 34-vjeçarit nga Fieri, Erion Toro, i cili humbi jetën nga tërmeti në Italinë qendrore.
Familjarë dhe të afërm e pritën trupin e tij në Portin e Vlorës, duke udhëtuar më pas drejt fshatit Kurjan të Roskovecit, në shtëpinë e të atit, për ta përcjellë të hënën drejt banesës së fundit.
Erion Toro është një ndër qindra viktimat që humbën jetën nga tërmeti në Itali. Ai ndodhej në shtëpi së bashku me dy vajzat dhe bashkëshorten në momentin e rënies së tërmetit.
Dy vajzat u nxorën nga gërmadhat me lëndime, ndërsa bashkëshortja, pas një ndërhyrjeje kirugjikale qëndroi në jetë, por humbi dy këmbët. /tesheshi.com/
