Një burrë nga Pensilvania ka qenë tmerrësisht i lodhur pasi ka punuar gjatë gjithë natës, mirëpo me sa duket, e gjithë lodhja i ka ikur tërësisht kur bëhet fjalë për të bërë punën më të rëndësishme në jetën e tij: të qenurit baba.
Gruaja e Andre Palmer, Amy postoi një fotografi, të cilën e hodhi në Facebook dhe që menjëherë u bë virale. Burri kishte punuar gjatë gjithë natës në turnin e tretë dhe pasi kishte mbaruar punën, u kthye në spital, ku ndodhej i shtruar fëmija i tij.
“Mendova se çfarë do të bëja unë nëse do të kisha punuar gjithë natën dhe me siguri nuk do të kisha ardhur në spital. Ai mund të shkonte të flinte në shtëpi”, – shkruan Amy Palmer.
Ajo thotë se e kishte zënë gjumi kur i shoqi kishte hyrë në dhomën e spitalit, ndaj vetë ai kishte marrë një jastëk dhe ishte shtrirë poshtë krevatit të fëmijës. Kur gruaja u zgjua dhe e pa aty, i bëri një fotografi dhe e postoi në Facebook.
Me të vërtetë një baba shembullor, që jo vetëm kujdeset për mirëqenien ekonomike të fëmijës, por që mundohet në çdo moment të gjejë kohën për të. /tesheshi.com/
