Kryetarja e Gjykatës Speciale, Ekaterina Trendafilova, pas takimit me shoqërinë civile në një konferencë për media ka mohuar raportimet e mediave se është dorëzuar aktakuza e parë, duke thënë se ato do të ngrihen kur këtë do ta kërkojnë prokurorët.
“Dhomat janë tërësisht funksionale qe te fillojnë me procedura kur atë e thonë Prokurorët. Gjyqtarët qe kanë aplikuar është dashur ti nënshtrohen një vlerësimi ndërkombëtar dhe të kenë zotim të plotë ndaj drejtësisë”, tha ajo ndërsa paralajmëroi se nuk do të lejohet që të kërcënohen dëshmitarët.
Trendafilova më tej tha se është e një rëndësie të madhe që të vendoset besimi në proceset që do t’i marrë Dhoma e Specializuar, pa ndonjë ndërhyrje apo favor ndaj dikujt.
“Dhomat e specializuara janë krijuar që të hetojnë krimet e luftës për të siguruar gjykime te drejta, pra të ndiqen dhe gjykohen individë dhe jo organizata. Dhomat e Specializuara e respektojnë barazinë për të drejtat e viktimave” u shpreh ajo. /tesheshi.com/
