Kryetari i Republikanët e Kosovës, Faton Kurti, në një deklaratë për shtyp deklaron se politikanët ordinerë dhe kriminelë duhet të ngelin jashtë politikës së këtij vendi.
“Me kalimin e viteve qytetarët e Kosovës kanë kuptuar dhe kuptojnë çdo ditë dhe më mirë se janë viktima të politikave të gabuara, gabim, i cili po e largon çdo ditë dhe më shumë Kosovën drejt rrugës së saj të integrimit Europian”, – tha Kurti.
Sipas tij, që nga lufta në Kosovë dhe që nga pavarësia, vendi ka marrë miliarda ndihma ndërkombëtare, të cilat humben dhe sipas tij, ky është një krim i pabesueshëm se asgjë pozitive nuk është bërë për qytetaret e Kosovës.
“Qytetarët e Kosovës duhet ti thonë ndal kësaj klase politike dhe politikanëve të korruptuar dhe të pa arsimuar, të cilët po e shkatërrojnë këtë vend duke shënuar vetëm regres. Kosova ka mjaft resurse të mira, ka djem dhe vajza intelektualë, të cilët duhet të marrin në dorë fatin e tyre dhe të vendit ku kanë zgjedhur të jetojnë”, – u shpreh kreu i REK.
Ai shtoi se Kosova duhet të ecë përpara dhe rruga e saj e vetme është Bashkimi Europian, ndërsa bëri me dije se synimi dhe qëllimi i REK është një Kosovë në BE dhe në NATO, por kjo nuk mund të arrihet në të ardhmen e afërt me këtë Qeveri dhe këta qeveritar. Sipas Faton Kurtiti, për të kaluar gjitha këto faza drejtë procesit integrues, Kosovës i nevojitët një elite e re politike me përkushtueshmëri shumë të madhe. /tesheshi.com/
