Kryetari i Komunës së Strugës, Zijadin Sela, akuzoi qeverinë maqedonase se nuk po mbron jetën e tij dhe të familjes, pas kërcënimeve që i janë bërë vazhdimisht.
Sela tha se rasti i fundit i kërcënimit ka qenë para 10 ditëve.
Ditën e sotme kryekomunari i Strugës publikoi edhe letrën kërcënuese, me anë të të cilës, kishte marrë një informacion se, Interpoli i Shqiperisë kishte informuar Interpolin e Maqedonisë, se një vrasës me pagesë kishte urdhër të vriste sekretarin e Komunës së Strugës, Krenar Lloga.
Lidhur me kallëzimin e fundit penal, që ka ngritur kundër tij Policia e Ohrit, Sela tha se bëhet fjalë për një fushatë politike kundër tij dhe partisë së tij.
/tesheshi.com/
