Kryesia e Partisë Demokratike ka miratuar listën e propozuar nga kryetari Lulzim Basha për emërimin e 12 krerëve politikë të qarqeve, të cilët sipas gjasave, do të jenë edhe kryesuesit e listave për deputetë.
Në këtë listë, e cila u bë e ditur dje nga tesheshi.com, janë mënjanuar dy ish-nënkryetarët: Jozefina Topalli dhe Astrit Patozi.
Vetë, kreu i opozitës Lulzim Basha sapo doli në një deklaratë për mediat tha se ish-ministri i Drejtësisë, Enkelejd Alibeaj, është kooptuar në kryesi dhe u emërua kryetar i departamentit të sigurisë publike, ndërsa Tomor Alizoti gjithashtu u kooptua si anëtar kryesie pasi u emërua kryetar i departamentit të të përndjekurve politikë.
“PD ka përfunduar programin një vit para zgjedhjeve duke shënuar një tjetër standard demokratike europian karshi qytetarëve shqiptarë.
Zgjidhjet nuk lihen për në çastin e fundit të zgjedhjeve sepse pastaj rezulton që të jenë rrena, siç ishin rrena premtimet e rilindjes. Kjo sepse nuk ju dha mundësi shqiptarëve të diskutojnë zbatueshmërinë e këtyre premtimeve.
Sot ne jemi në një diskutim të hapur me qytetarët dhe kjo do shtrihet në çdo lagje të qytetit.
Çdo qytetar do të ketë mundësi të diskutojë me drejtuesit e PD-së për të nxjerrë vendin nga kriza.
Kryesia i ka hapur rrugë thellimit të konsulitmit të alternativës së PD. Ky është vendim shumë i rëndësishëm. Zbatimi i tyre do të nisë menjëherë”,- deklaroi Basha. /tesheshi.com/
