Kryesia e Kuvendit të Kosovës thirri të martën një takim të ri me kryetarët e grupeve parlamentare. Sipas njoftimit të zyrës për mediat në Kuvend, mbledhja e nesërme e kryesisë ka të përfshirë në rendin e ditës edhe pikën e papërfunduar të seancës plenare të 22 Shtatorit.
Në këtë seancë të ndërprerë për shkak të sulmit me vezë ndaj kryeministrit Isa Mustafa, ky i fundit duhej të raportonte për marrëveshjet e arritura me Serbinë në dialogun e Brukselit.
Në rendin e ditës pritet të vendosen edhe një sërë projektligjesh e propozimesh që duhet të diskutohen në seancë.
Mes këtyre pikave, është edhe kërkesa e shtatë deputetëve për formimin e komisionit hetimor parlamentar dhe kërkesa e kryetarit të komunës së Prishtinës për rinovimin e sheshit “Adem Jashari”.
Deputetët do të kenë në tryezë edhe çështjen e financimit të Radio-Televizionit tëKosovës. /tesheshi.com/
