Shkrimi i mëposhtëm është i një prej mediave europane, fill pas ekzekutimit të Bledar Muçës, i njohur si krahu i djathtë i Çapjave të Elbasanit.
Ngjarja ndodhi në Antëerp të Belgjikës, një qytet port, i konsideruar si kryeqytet im kokainës në Europë. Dhe, sipas asaj çfarë shkruhet, elementi i fuqishëm shqiptar në trafik ka arritur të korruptojë zyrtarë vendas deri në nivele policore.
Shkrimi:
Një gangster shqiptar me pasaportë të rreme britanike u vra para shtëpisë së tij në Antwerp mes një lufte të përgjakshme për të kontrolluar tregtinë fitimprurëse të drogës në qytetin port belg, i cili është bërë kryeqyteti evropian i kokainës së kontrabanduar nga Amerika e Jugut në Evropë dhe Rusi dhe Lindja e Mesme.
Bledar Muça, 39 vjeç, teksa po kthehej në banesën e tij mbrëmjen e së shtunës, u qëllua për vdekje pak metra larg stacionit të policisë dhe autoritetet thonë se krimi kishte të gjitha shenjat e një vrasjeje me porosi.
Muça, i cili u filmua nga kamerat e vëzhgimit në vitin 2016 duke qëlluar me armë ndaj policisë, ka jetuar në Antwerp për dy vitet e fundit, ku punonte si një anëtar kyç i bandës shqiptare të drogës.
Tradicionalisht e njohur për tregtinë e diamanteve, Antwerpi është i mbushur me kriminelë shqiptarë dhe policia po zhvillon një betejë deri tani të humbur me kartelet e drogës.
Domethënë, miliardat e gjeneruara nga industria e kokainës kanë korruptuar ata në pozita të fuqishme dhe një gamë e gjerë zyrtarësh publikë kanë përfunduar në burg. Në një rast të fundit u arrestua kryeinspektori i policisë belge, i akuzuar për dhënie informacionesh grupeve kriminale, madje edhe një administrator spitali, i dyshuar se kërkonte të dhëna personale të punonjësve të portit që mund të korruptoheshin.
Gangsterët si Muça synojnë të fuqishmit duke kërkuar çdo aspekt të jetës së tyre dhe duke kërkuar pikat e tyre të dobëta, si borxhet që do t’i detyronin ata të pranonin ryshfet.
Paratë nga droga në rrugët e Antwerpit përdoren për të “blerë” policinë, doganierët dhe punonjësit e portit që lejojnë lulëzimin e tregtisë së paligjshme.
Disa operatorë vinçash besohet se kanë marrë mijra euro për të fshehur kontejnerët e drogës ose për t’i zëvendësuar ato që përmbajnë kokainë me ato të ligjshme përpara se të kapeshin.
Oficerët e doganave përshkruajnë një taktikë të stilit të “Kalit të Trojës” në të cilën trafikantët fshehin kontejnerët me drogë për ditë të tëra, me ndihmën e stafit të portit.
Problemi u bë aq serioz sa CEPA, Shoqata e Punëtorëve të Portit Antwerp, publikoi një video mbi rreziqet e ryshfetit të punëtorëve të saj.
Videoja e animuar paralajmëron punonjësit të shmangin veshjen që mund t’i identifikojnë ata si punonjës porti kur janë jashtë punës dhe të shmangin të folurit për punën e tyre në vende të tilla si bare dhe restorante, si dhe t’u kushtojnë vëmendje njerëzve që u afrohen atyre nga profilet e rreme në rrjetet sociale.
Një rekord prej 90 tonësh prej 13 miliardë eurosh kokainë u gjet në portin e qytetit vitin e kaluar, por konfiskimet, më të mëdhatë në Evropë, mendohet se përbëjnë vetëm 10 për qind të kokainës së kontrabanduar nëpër qytet.
Edhe kryebashkiaku i Antwerp-it, ku dhuna është përshkallëzuar në formën e bombave dhe të shtënave me makina, po u kërkon biznesmenëve të pasur të kontribuojnë që paratë e drogës të mos depërtojnë dhe ndikojnë në politikën e qytetit.
Bart De Wever u vendos nën mbrojtjen 24-orëshe të policisë vitin e kaluar për akuzat se bandat e drogës donin ta vrisnin.
“Ne jemi krenarë për lidhjet tona të ngushta dhe marrëdhëniet e forta tregtare me Amerikën Latine. Megjithatë, trafiku i kokainës është rritur në mënyrë eksponenciale vitet e fundit. Pasojat janë shumë të prekshme, veçanërisht për qytetet portuale. Krimi dhe paratë e krimit minojnë strukturën e shoqërisë sonë.” thekson kryebashkiaku Wever.
Çmimet e pasurive të paluajtshme në Antëerp po rriten gjithashtu për shkak të parave nga tregtia e drogës.
Pozicioni i saj pranë Holandës, ku pjesa më e madhe e kokainës së importuar paketohet përpara shpërndarjes së mëtejshme në pjesë të tjera të Evropës, është gjithashtu një faktor.
Dhe e gjithë situata mbështetet nga kërkesa në rritje për kokainë në Evropë, ku kjo drogë konsiderohet gjithnjë e më shumë e pranueshme nga shoqëria.
Vitin e kaluar, pas një sërë bastisjesh si pjesë e Operacionit Sky, një nga operacionet më të mëdha kundër drogës në Belgjikë, zbuloi një rrjet zyrtarësh të korruptuar që kishin akses në bazat e të dhënave kombëtare të të dhënave personale të të gjithë qytetarëve belgë.
Një bastisje u krye në më shumë se 200 shtëpi në të gjithë Belgjikën dhe 48 të dyshuar u arrestuan, duke përfshirë tre avokatë në Antëerp dhe nëpunës civilë. U sekuestruan sasi të mëdha parash, diamante, bizhuteri, makina luksoze dhe armë, si dhe uniforma false policie.
Kryeprokurori i Antwerp-it, Franky De Keyzer e krahasoi luftën kundër bandave të drogës me një “lojë mace dhe miu” në të cilën kriminelët luftojnë për të qëndruar një hap përpara ligjit. /tesheshi.com/
